ಊರ ದಾರಿಯ ಮತ್ತದೆ ತಿರುವು
ಅದೇ ದಿಬ್ಬ
ನೆನಪು ಊರಿನಾಚೆ ನಡೆವ
ಮಾರಿಹಬ್ಬ!!!
ಸವೆದ ಚಪ್ಪಲಿಯ
ಸವೆದ ಸದ್ದು
ಖಾಲಿ ಮನಸ್ಸು
ಎಲ್ಲೆಲ್ಲೊ ಹಾರುವ ಒಂಟಿ ಹದ್ದು!
ತಿರುಗಿ ತಿರುಗಿ ಮತ್ತಲ್ಲೇ
ಬಂದು ನಿಂತ ಬದುಕು
ದಾರಿಯಲ್ಲಿ,ಸಿಕ್ಕಿದಲ್ಲೆಲ್ಲ
ತುಂಬಿ ಕೊಂಡ ನೆನಪುಗಳ ಸರಕು!
ಕಳೆದು ಕೊಂಡದ್ದೆಲ್ಲೋ
ಹುಡುಕಿದ್ದೆಲ್ಲೋ,
ರಾತ್ರಿ ಕಂಡ ಕನಸಿಗೆ
ಹಗಲು ಅರ್ಥ ಹುಡುಕುದರೊಳಗೆ
ಮೇಲೆ ಚಂದ್ರ ಬಂದಿದ್ದ!!
ಹೊದ್ದು ಮಲಗುವ ಸಮಯ,
ಸದ್ದು ಮಾಡುವ ಗಡಿಯಾರ
ಸುದ್ದಿ ಓದುವ ಹೃದಯ
ಕದ್ದು ಕೇಳುವ ಮನಸು,
ನಿದ್ದೆ ಜಾರಿದೆ ಕನಸು!!!
ಸುಕೇಶ್
