೧
ಬೆಳಕು ತಾನು
ಕಳೆದುಹೋದಂತೆ ನಟಿಸಿತು
ಕತ್ತಲೆಯ ವೇಷಧರಿಸಿ, ಒಂದಷ್ಟು ಹೊತ್ತು.
ಯಾರೋ ದೀಪ ಹಚ್ಚಿದರು
ವೇಷ ಬಯಲಾಯಿತು,ಬದಲಾಯಿತು
ಜಗದ ನಾಟಕ
ಹೀಗೆ ನಡೆಯುತಿತ್ತು.
೨
ಬೆಳಕಿನ ಒಳಗೆ ಇರುಳು
ಇರುಳಿನ ಉರುಳಿನೊಳಗೆ ಬೆಳಕು
ಕಪ್ಪು-ಬಿಳುಪು ಬಣ್ಣಗಳ ಆಚೆ
ಕಣ್ಣ ಹೊರಳಿಸಿದರೆ
ಎಲ್ಲ ಅರಳು-ಮರಳು
ಜಗದ ನಿಯಮದ ತಿರುಳು
೩
ಬೆಳಕಿನ ಮುಂದೆ
ಓಡುತಿತ್ತು ಕರಿಛಾಯೆ
ಮೋಹ ಮಾಯೆ,
ಕೈಯಲ್ಲಿ ಹಿಡಿದು ದೀವಟಿಗೆ
ಕರೆದಂತಾಯಿತು ಯಾರೋ ತನ್ನೆಡೆಗೆ
ಈಗ ನಿನ್ನೆಯವರೆಗೆ ಸುತ್ತುತಿದ್ದ
ಸೊನ್ನೆಯ ಬಿಂದು
ಅನಂತತೆಯಲ್ಲಿ ಒಂದು.
-------------------------------------------------------------ಸುಕೇಶ್ ಪೂಜಾರಿ (ಸುಕೇಪು)
No comments:
Post a Comment