Friday, June 16, 2017

ತಪ್ಪು

ಆಸೆ ನನಗೆ ತುಂಬಾ
ನಿನ್ನ ಕನಸುಗಳಲ್ಲಿ  ಜಾರಿಕೊಳ್ಳಲು
ಚಿತ್ತಾರಗಳ ನಡುವೆ ಸೇರಿಕೊಳ್ಳಲು

ಸುತ್ತಮುತ್ತ ಸಿಂಗಾರದ
ರಥದ ಬೀದಿ,
ಮನಸು ಮಾತ್ರ
ನೀ ನಡೆವ ತಿರುವುಗಳ
ಹಿಂಬಾಲಿಸುತ್ತದೆ

ಕಣಿವೆ ಹಾದಿಯಲ್ಲಿ
ದಾರಿ ತಪ್ಪುದು
ಜಾರಿ  ಬೀಳುದು ಸಹಜ
ಕಾರಣವೇನೇ ಇರಲಿ
ಕಾಣದೆ ನಿನ್ನ ಕೈ
ಹಿಡಿದುಕೊಳ್ಳುತ್ತೇನೆ
ತಪ್ಪು ನನ್ನದೇ !!!.

ತಪ್ಪು ನನ್ನದೇ ,
ದೇವರ  ಪ್ರತಿಮೆ ಮುಂದೆಯೂ
ಕಣ್ಣುಮುಚ್ಚಿ
ನಿನ್ನ ನೆನಪಿಸಿಕೊಂಡದ್ದು
ನನ್ನ ತಪ್ಪು,
ಬೀಳೋ ಮಳೆಗೆ
ಅಂಗೈ ಒಡ್ಡಿ
ಮೈಮರೆತಿದ್ದು
ಬಹುಶ ನನ್ನ ತಪ್ಪು.

ಸುತ್ತಮುತ್ತ ಜನ ಏನೇ ಅನ್ನಲಿ
ನನ್ನ ನಾನೇ ಮಾರಿಕೊಂಡು
ನಿನಗೆ ಬೆಲೆ ಕೊಟ್ಟದ್ದು,
ನನ್ನದಲ್ಲದ ತಪ್ಪಿಗೆ,
ಒಂದಿಷ್ಟು ಸಣ್ಣ  ಮುನಿಸಿಗೆ,ಮೌನಕ್ಕೆ
ಕ್ಷಮಿಸು ಅಂದದ್ದು
ನನ್ನ ತಪ್ಪು .

ಆಸೆ ನನಗೆ ತುಂಬಾ
ಎಲ್ಲ ಸುಳ್ಳುಗಳ ನಂಬಿಕೊಳ್ಳಲು
ನಿನ್ನ ಕನಸುಗಳಿಂದ ಜಾರಿಕೊಳ್ಳಲು.

ಸುತ್ತಮುತ್ತ
ಸಿಂಗಾರದ ರಥಬೀದಿ
ಮನಸೇ ಕ್ಷಮಿಸು ನಡೆದದ್ದು
ನನ್ನದಲ್ಲದ ಹಾದಿ!!!


-----------------------------------------------------------------------------------ಸುಕೇಶ್ 

No comments:

Post a Comment

ಅಗ್ನಿಯ ಬಟ್ಟಲು

ಹೆಣ ಸುಡುವ ಬಿಸಿಲು ಕಾಯುತಿತ್ತು ಹೆಣ ಸುಡಲು ನೆಲವ  ಅಗೆದು ಯಾರೋ ಗುಂಡಿ ಮಾಡಿದರು ಅದು ಅಗ್ನಿಯ ಬಟ್ಟಲು ಅದರ ಮೇಲೆ ಸೌದೆ,ತೆಂಗಿನ ಗರಿ ,ಚಿಪ್ಪು ವಿವಿಧ ಭಕ್ಷ್ಯ  ...