ಮಳೆ ಮತ್ತು ನೀನು

ಇಂದು ಮಳೆ ಕಾಡಿದೆ

ಅಂದಿನಂತೆ

ಮನಸು ನಿನ್ನ ಬೇಡಿದೆ

ಮತ್ತೆ ಮತ್ತೆ

ಒಲುಮೆ ಎದೆಯ ಬಾವಿಯ
ಒಂದು ಹನಿಗೆ
ಕೊರಳ ಗೂಡಿನಾಚೆಯ
ನಿನ್ನ ದನಿಗೆ ...........
ಹೃದಯ ಮತ್ತೆ ಕಾಡಿದೆ ,
ಅದು ನಿನಗೂ ಕೇಳದೆ ?

ಕೊಡೆಯ ಕೆಳಗಿನ ಭೂಮಿ
ಸೋಕಲು ಮಳೆ ಹನಿಗೂ ನಾಚಿಕೆ
ಅದರ ಒಳಗಿನ ನಮ್ಮ ಪಿಸುಮಾತಿಗೆ
ತಂಗಾಳಿಗು ಕನವರಿಕೆ ........

ಬೀಳೋ ಹನಿಗಳಿಗೆಲ್ಲ
ಕವಿತೆ ಬರೆಯ ಬಲ್ಲೆ ನಾನು ,
ಬೀಳೋ ಹನಿಗಳೆಲ್ಲ
ನೀನೆ ಆದರೆ.......||

ಇಂದು ಮತ್ತೆ ಮಳೆ ಕಾಡಿದೆ ಅಂದಿನಂತೆ
ಒಂಟಿ ಕೊಡೆ ಬೇಡಿದೆ ನಿನ್ನದೇ ಜೊತೆ