ಅಲೆಮಾರಿ ಬದುಕು

ಅಲೆಮಾರಿ ಬದುಕು ಅಲೆಯುತ್ತಿದೆ
ನೆಲೆ ಇಲ್ಲದ ಊರಿನಲ್ಲಿ
ಹರಕು ಕುರ್ಚಿಗೆ ರಾಜನಾದ ಕನಸು
ಪಾಳು ಬಿದ್ದ ಊರಿನ ಕಾವಲುಗಾರ!!!

ಹೀಗೆ ಮೊನ್ನೆ ಎಲ್ಲೋ ಒಂದು ರಾತ್ರಿ
ಆಗಸಕ್ಕೆ ಮುಖಮಾಡಿ
ಮಲಗಲಾಗದೆ ಹೊರಳಾಡಿದ್ದೆ 
ಬೆನ್ನಿಗಂಟಿದ ಧೂಳು , ಕೊಡವಿದಸ್ಟು ಹಾರುತ್ತದೆ

ಯಾರಿಗೇನು ಗೊತ್ತು ಮನದ ಬೇಗೆ
ಸುಟ್ಟು ಹೊಗೆಯಾಡುವ ಕನಸು
ಮತ್ತೆ ಬೇಕೆನ್ನುವ ಮನಸು
ಬಾವಲಿ ಬದುಕು ನೇತಾಡುತ್ತಿದೆ
ಎಲ್ಲ ತಲೆ ಕೆಳಗೆ .

ಹೊಟ್ಟೆ ಹುಳುಗಳಿಗೆ ಆಹಾರ ಕೊಟ್ಟಸ್ಟು
ತೀರದ ಚೀರಾಟ
ಕೊನೆಯಿಲ್ಲದ ದಾಹಗಳಿಗೆ,
ಬದುಕಿನ ಒಂದಷ್ಟು ಮೋಹಗಳಿಗೆ ,
ಅಲೆಮಾರಿ ಬದುಕು ಮತ್ತೆ ಅಲೆಯುತ್ತಿದೆ.

ಸುಕೇಶ್