ಪಯಣ

                           ಎಲ್ಲಿಗೆ ಹಕ್ಕಿ ಪಯಣ 

                              ಯಾವುದದು ಗಮ್ಯ ತಾಣ ?

                               ಇಲ್ಲಿಗಿಂತ ಅಲ್ಲಿ ಚೆನ್ನವೆ ,

                                 ಅಲ್ಲಿ ಕೂಡ ಆಕಾಶ ನೀಲಿ ಬಣ್ಣವೆ 

    ಅಲ್ಲಿ ಯಾರು ಜೊತೆ 

      ಅಲ್ಲಿದ್ದೇನು ಭಾಷೆ,ಏನು ಕಥೆ. 

           ಕನಸ ಮಾರುವವರು, ಕೊಳ್ಳುವವರು 

              ಅಲ್ಲಿಯು ಇದ್ದಾರೆಯೆ ?

ನಿನ್ನೆ ಇಲ್ಲಿಯ ಗೂಡು,

ಅದರೊಳಗಿನ ಸಂಸಾರ 

ಕಳಚಿತೇ  ನಂಟು ಅಷ್ಟು ಬೇಗ 

ಮರೆತು ಹೋದಂತೆ ಜೊತೆಗೆ ಕಲಿತ ರಾಗ !!!

          

   ನಿನ್ನೆ ಅಲ್ಲಿ, ಇಂದು ಇಲ್ಲಿ 

                  ನಾಳೆ ಎಲ್ಲಿ......... 

               ಪತ್ತೇದಾರಿ ಮನಸು ಪ್ರಶ್ನೆ ಕೇಳುತ್ತದೆ . 

                    ಹಕ್ಕಿ ಉತ್ತರ ಹುಡುಕಲು ಎಲ್ಲಿಗೋ ಹಾರಿ ಹೋಗುತ್ತದೆ . 

        ಇಲ್ಲಿ ಸ್ಥಿರವಲ್ಲ, ಅಲ್ಲಿ ನಮ್ಮದಲ್ಲ 

          ಇಲ್ಲಿಂದ ಅಲ್ಲಿಗೆ ಹಾರುತ್ತಿರ ಬೇಕು 

           ಇಲ್ಲಿ ಅಲ್ಲದಿದ್ದರೆ ಅಲ್ಲಿ  ಬದುಕ ಕಟ್ಟಲು 

                ಪಯಣದ ಗುರಿಯ ಮುಟ್ಟಲು !!!